Besig om Tuisblad (onderafdeling) te wysig

===Boerekeg, 1713 tot 1715===
In Augustus 1713 word Jan Grobler deur die VOC "geleen" as 'n boerekneg aan Christiaan Maasdorp, wat 'n vryburger was.  In die boedel inventaris <ref>MOOC8/2.92</ref> van Maasdorp se eerste vrou, Maria Basson, wat gedateer is 30 November 1713 word gemeld "... twee stukjes bouwlant met 't daar op staende huijsingh en hok gelegen aan de Liesbeeks Revier ...".  Hierdie twee plasies  is deur Maasdorp gekoop in 1708<ref>Transport Akte no. 712 of 1708</ref> en was deel van die plaas Rijgersdal (Rygersdal op die kaart hier onder) geleë aan die oostelike oewer van die Liesbeek rivier<ref>Die plaas Rygersdal bestaan nie meer nie en is hedendaags deel van die voorstad Rosebank.  Die gronde sluit onder andere in Rustenburg Girls High, Rygersdal Sorts Klub, en Huis Lückhoff</ref>.  Aan die oorkant van die Liesbeek rivier was die Kompanjie se koringlande asook die Groote Schuur, waar Jan Grobler 'n wadrywer was in 1713.  Aangesien Maasdorp se offisiële beroep wamaker was, is dit moontlik dat hulle daardeur ontmoet het.

[[File:Rygersdal c1865.jpg|thumb|left|640px|Plase uitgelê langs die Eliesenbeek rivier]]

<br clear=all>

Volgens die Resoluties van die Politieke Raad van 31 Augustus 1716 asook 31 Augustus 1717<ref>Resolusies van die Politieke Raad, C. 39, pp. 18-21</ref> is Maasdorp die drankpag toegestaan vir "Caabse coele en brandewijnen &a. van Rustenburgh of 't Rondebosje"<ref>Rustenburgh en Rondebosje was een en dieselfde plek. Vandag staan die net bekend as Rondebosch</ref>.  Volgens Helen Robinson<ref>P. 52 in ''The Villages of the Liesbeeck''</ref>, het Maasdorp die waardevolle Rondebosch wyn en brandewyn lisensie van 1716 to 1720 gehou.  Maasdorp het dus met wyn en brandewyn handel gedryf en heel moontlik self druiwe verbou op die twee plasies langs die Liesbeek rivier.  Indien wel, sou Jan Grobler hier geskoei gewees het in wynbou wat hy later sou toepas op sy eie plaas, Landskroon.  

Die kontraktermyn tussen vryburger en kneg was een jaar, maar kon natuurlik verleng word.  Volgens die skeepssoldyboek het Jan Grobler in die staat van lening gebly in 1714 tot 29 Januarie 1715 toe hy self ook 'n vryburger word.  Hy het egter in diens gebly van Maasdorp tot 2 April 1715<ref name=PMGrobbelaar/>.